مش اول مره تسافر الى أحمد أبوزيد

مش اول مره تسافر
ولا اول مره اسافر
لكن دي المره اللي خدتني
احلام العمر وودتني
لحدود القلب و بكتني
ولقيتك ولاول مره
في عيونه -فارس- و لقيتني
واقف في عيونك و فايتني
حاسس بالضعف اللي قاتلني
اتمنيت ادفع عمري
واامر وتنفذ امري
انك تفضل هنا ما تشتتني
ابنك مش عارف ولا ابني
بنتك مش عارف او بنتي
صرخوا من غيبتك ما اعرف او من غيبتي
من شوقي ليك او من شوقك
من خوفي عليهم او من خوفك

ادفع انا عمري و ماسيبك
ما انا عارف طول عمري ده عيبك
ببساطك موجود مش متعب
بغلاوتك غايب قوي متعب

اسف اني سبت نفسي اكتب بس مش اسف على اللي كتبته
بحبك جدا