بحب مصر...
ومش فاهمكو كلكو ...
بجد مش فاهم ومش عارف
هو انتو اصلا مين ؟؟؟
وازاي بقيتوا فجأة ولاد بلد !!!
ومصر هي امكو؟؟!!!
طب كنتو فين ؟؟
لما احنا كنا صغيرين
وبنرضع القهر وغباءه منكو ؟؟؟
احزاب كتير ووشوش كتير
وكلام كتير ...
وكل ده مبقاش خلاص من حقكو ؟؟
بامارة ايه واقفين في اول الصفوف ؟؟؟
وف شرع مين ... ؟؟؟
ننزل ونستشهد عشان بلدنا وارضنا ..
وانتوا اللي تاكلوا التورته لوحدكو ؟؟؟
محناش بنجري ورا المناصب والمجالس والنفوذ
ولا قلنا ثورة عشان بلدنا ف يوم تبوز
احنا اللي حررنا بلدنا منكو ... ...
في ناس غلابه كتير وكل همها
لقمة وهدمة نظيفة بس وحقهم
مش ناس بتجري ورا المكاسب زيكو
فوقوا بقى ... من فضلكو
الناس بتحلم بالكرامه
وانتوا لسه بتحلموا بالسيطرة
سيبوهالنا نبني مجدها
ونعمر الارض اللي ضيعتوها بصمتكو
بترجى جيل كان كله ساكت من زمان
من حق جيلنا يعيش ويحلم بالامان
وانسوا اختلافكوا عشان نعيش
ابوس ايديكو ..في عرضكوا
فوقوا بقى ... من فضلكو
فوقوا بقى ... من فضلكو
" _______________________________
أنا بجد مفكرتش كتير فيها...ولا في الكلمات ... ولا في الاوزان ... كل اللي حاسس بيه كتبته زي ما طلع كده ... عادة بعمل تعديلات ...لكني مش قادر اكتبها غير كده "
أحمد أبوزيد
0 comments:
Post a Comment