ابويا بيقول لاخويا
اقفل الشباك ...!!!
واخويا يرد ويقولو
سلامة الشوف
عايزني اقفل حاجات مقفولة ع الآخر ؟؟
وانا نفسي
تجيب ويايا م الآخر
***
حاططني تملي ف دماغك
ومش فاهم حكايتي معاك
وابويا تملي بيعاند
وحاطط نقرو من خالد
وانا ف النص مش فاهم
يابويا
منين بييجي قساك ؟؟؟
***
واحاول الملم الموضوع
واقولو يا اخويا متدقش
دا ابوك بردو ومن حقو
خلاص اقفل ومتزقش
انا خايف عليك انت
وبترجاك
***
مفيش فايده
دماغو زي ابويا تمام
ورافض يبقى زيي جبان
وانا عارف اخرها جنان
وابويا واخويا يتخانقوا
وانا في النص مش فاهم
يا ابويا
منين بييجي قساك ؟؟؟
***
اخويا وابويا وش ف وش
وانا اللي تملي من غير وش
بهدي ف اخويا واترجاه
ويكبر جوه ابويا قساه
واخرتها
ابويا ف بيت
واخويا ف بيت
وانا الل بعيد
ومش ناسي عشان حسيت
بأن الذمب كان ذمبي
خربت الدنيا بايديا
لاني كنت بتمنى
ميخربشي علينا البيت
***
0 comments:
Post a Comment