ساعة الغروب

تمر المعاني في قلبي ...... تروح
وافضل اعاني في بعدك جروح

لما اجي اكتب تضيع المعاني
و اجري وراها تزود جناني

و ارجع لكلمة شايلها في عيوني
"بحبك" ..بجبك تزود شجوني

"بحبك" دي كلمه مكانها القلوب
بحبك اقولها و قلبي يدووب

وساعة الغروب
غروب شمس كانت بتملا السما
يزيد شوقي ليكي و اناجي السما

و استنى منك رساله وكلام
ينور في ليلي و يمحي الالام

والاقي الثواني تمر في سنين
وانا النار في قلبي يطفيها مين؟

اذا جاني صوتك و دق الجرس
تعود روحي ليا و ارد بهوس
بحبك ... بحبك .. برغم الحرس
وانسى الومك.....اقولك بحبك
و انسى اعاتبك .... اقولك بحبك

و افرح بانك تقولي واحشني
و احس اني طاير ولا شيء حايشني
و احس اني حاير و قربك ناقصني

يزود سعادتي يا اجمل اميره
اذا قلتي انك بصحه و سعاده
و احس بتفاهة همومي الكتيره
اذا قلتي انك همومك زياده
و اتمنى اشوفك يا اجمل عيون
و ادفع حياتي و عمري يهون