Saturday, April 2, 2011

Saturday, February 26, 2011

Saturday, February 5, 2011

Friday, November 19, 2010

Saturday, August 21, 2010

مدرس من صغري

Posted by Abouz on August 21, 2010 with No comments
من ايام مكنت في الاعداديه وانا بادرس لزمايلي.كنت وقتها في العراق و كانت المدرسة بتاعتي أ.نوال حامل و تعبانه جدا و احنا كنا بنحبها جدا وكنا نساعدها و نشيلها الحاجات و انا طلبت منها اكتب اللي تقوله ع السبوره و بدأت احضر الدروس بتاعة الهندسه كل حصه و بدل ما اكتب بقيت باشرح اللي انا حضرته و كانت بتبقى سعيده جدا و ده شجعني و كنت مساعدها و كانت هي السبب في حبي للرياضيات و الهندسه بالذات لكن للاسف المدرسه بتاعتي مبقتش تيجي المدرسه لان زوجها استشهد في الحرب اللي كانت بين العراق و ايران و من يومها مشفتهاش تاني لاننا رجعنا مصر قبل ما هي ترجع المدرسه و كنت حزين جدا بسبب الموضوع ده لكني فضلت احب الرياضيات و ما انساش ابدا أ.نوال جازاها الله عني كل خير

عمرى مانساها

Posted by Abouz on August 21, 2010 with No comments
Mahmoud AboZaid 
انا فى مدرسين كتير اوى اثروا فيا من اول ابتدائى لحد ثانوىبس انا هتكلم على فتره ابتدائى دلوقتى لانها من احلى الفتراات بالنسبه ليا والنسبا لنا كلنا طبعا انا كنت فى ابتدائى عندنا مدرسه عربى اسمها أ.خديجه كنت بحبها جدا جدا..لانها كانت محترمه اوى ومؤدبه ..هى كانت صغيره فى السن بس هايله فى الشرح وكانت بتشرح بضمير اوى وماكنتش بتزهق لو قولنا عيدى ولو 1000 مره ...كانت متتعبش فى سبيل اننا نفهم وكان لما حد يجي من اهلى ويسأل عنى تقولوا محمود كويس جدا وشاطر بس شقى اوى وانا مش عارفه اعمله ايه لانه شاطر وهى عمرها ماكانت تمسك عصايا والكلام ده خالص المهم ان جيه يوم عيد الام فا اللى كان بيحصل ودى حاجه غريبه ان المدرسات يقولوا للعيال ..لو حد هيجيبلى هديه يجيب كذا وتبقى كذا ولو مش عارف ايه يبقى ايه وحاجات انا كنت بستغرب جدا المهم انا سبت كل العالم دى وروحت لأستاذه خديجه وقولتلها اجبلك ايه يا مس قالتلى ربنا يخليك مش عايزه حاجه انا هديتى انكوا تنجحوا..قولتلها لأ انا عايز اعرف انتى عايزه ايه وانا اجبلك..قالتلى لأ مش عايزه حاجه المهم تنجحوا...واعدنا نضغط عليها انا وصحابى ..مافيش فايده مع انها ماكنتش متجوزه اعتقد لان سنها كان صغير بس انا كنت مصر انى اجبلها هى لانها كانت احسن من المدرسين اللى كانوا امهات فعلا فعرفت ساعتها اد ايه الفرق بينها وبين المدرسات التانين ان دى واحده عايزه ولادها يبقوا احسن ناس وبيجحوا وهى دى هديتها المهم تانى يوم جينلها هدايا..مرضيتش تاخد اى حاجه خالص وعماله تقول مش عايزه حاجه..انا عايزاكوا تنجحوا وبالعافيه لما خدت... وخدت حاجات اللى هى ورد والحاجات اللى زى دى..حاجات رمزيه جدا ..فابجد انا مقدرش انسى الست دى ..الله يمسيها بالخير يارب وتكون فى احسن حال...انا بتمنى انى اشوفها بجد عشان اشكرها لانها اثرت فيا جداجدا وعملتنى كتير وكانت بتحبنى اوى وعمرى مانساها
Subscribe to: Posts (Atom)