السبت، 21 أغسطس 2010
عمرى مانساها
Mahmoud AboZaid
انا فى مدرسين كتير اوى اثروا فيا من اول ابتدائى لحد ثانوىبس انا هتكلم على فتره ابتدائى دلوقتى لانها من احلى الفتراات بالنسبه ليا والنسبا لنا كلنا طبعا انا كنت فى ابتدائى عندنا مدرسه عربى اسمها أ.خديجه كنت بحبها جدا جدا..لانها كانت محترمه اوى ومؤدبه ..هى كانت صغيره فى السن بس هايله فى الشرح وكانت بتشرح بضمير اوى وماكنتش بتزهق لو قولنا عيدى ولو 1000 مره ...كانت متتعبش فى سبيل اننا نفهم وكان لما حد يجي من اهلى ويسأل عنى تقولوا محمود كويس جدا وشاطر بس شقى اوى وانا مش عارفه اعمله ايه لانه شاطر وهى عمرها ماكانت تمسك عصايا والكلام ده خالص المهم ان جيه يوم عيد الام فا اللى كان بيحصل ودى حاجه غريبه ان المدرسات يقولوا للعيال ..لو حد هيجيبلى هديه يجيب كذا وتبقى كذا ولو مش عارف ايه يبقى ايه وحاجات انا كنت بستغرب جدا المهم انا سبت كل العالم دى وروحت لأستاذه خديجه وقولتلها اجبلك ايه يا مس قالتلى ربنا يخليك مش عايزه حاجه انا هديتى انكوا تنجحوا..قولتلها لأ انا عايز اعرف انتى عايزه ايه وانا اجبلك..قالتلى لأ مش عايزه حاجه المهم تنجحوا...واعدنا نضغط عليها انا وصحابى ..مافيش فايده مع انها ماكنتش متجوزه اعتقد لان سنها كان صغير بس انا كنت مصر انى اجبلها هى لانها كانت احسن من المدرسين اللى كانوا امهات فعلا فعرفت ساعتها اد ايه الفرق بينها وبين المدرسات التانين ان دى واحده عايزه ولادها يبقوا احسن ناس وبيجحوا وهى دى هديتها المهم تانى يوم جينلها هدايا..مرضيتش تاخد اى حاجه خالص وعماله تقول مش عايزه حاجه..انا عايزاكوا تنجحوا وبالعافيه لما خدت... وخدت حاجات اللى هى ورد والحاجات اللى زى دى..حاجات رمزيه جدا ..فابجد انا مقدرش انسى الست دى ..الله يمسيها بالخير يارب وتكون فى احسن حال...انا بتمنى انى اشوفها بجد عشان اشكرها لانها اثرت فيا جداجدا وعملتنى كتير وكانت بتحبنى اوى وعمرى مانساها
الاستاذ عزت ناظر مدرسة 15 مايو
Ahmad Abouzaid Poet
لن انسى هذا الرجل...مهما مر الزمن...... واسمحولي اكمل بالعاميه عشان احكي بشكل اقرب لما حدث....
الراجل العظيم ده...الله يمسيه بالخير..... كان ناظر المدرسة اللي انا كنت لسه داخلها من شهر تقريبا...كنت لسه جاي من دولة العراق...وكنت وقتها دخلت المدرسه دي سنة خامسة ابتدائي..... وكنت قبل ما اجي مصر متفوق جددددددددااا في العراق لدرجة اني كنت الاول على المدرسة كل سنة واخويا الكبير كان الاول على المدرسة برده طول الوقت.. كل منا في السنة الدراسية بتاعته.... ولما دخلت المدرسة...كان في مدرسة ( ابله ليلى )...مدرسة اللغة العربية.... وكانت عامله حصة املاء في بداية السنة عشان تعرف مستوى التلاميذ في الاملاء....وانا كنت متعود من دراستي في العراق..اني اكتب الاملاء بكل دقة وبالتشكيل...بالاضافة لان خطي كان حلو جددداااا
يعني باختصار لما تشوف الاملاء بتاعتي تحس انك بتقرا كتاب مطبوع تقريبا...ونادرا جدا ما يكون عندي اخطاء..... ولما شافت ابله ليلى الاملاء بتاعتي...بدون تردد...شطبت على الورقة بتاعتي وكتبتلي كلمة كبييييييييييييره بخط ضخم باللون الاحمر في نص الصفحة
(((((((((((((((((غشــــــــــــــــــــــــاش )))))))))))))))))))))
انا فضلت اعيط...وموت نفسي من العياط...وطلبت مني يومها اجيب ولي امري... وانا رحت البيت وانا منهار وقلت لامي...اللي حصل....امي
الله يمسيها بالخير.... زعلت جدددددددددااا وكان نفسها تروح المدرسة في نقس اللحظه...بس والدي...الله يمسيه بالخير..... قالها لا...روحي بكره مع الولد وقابلي المدرسة وفهميها... ولما راحت امي تاني يوم....رفضت تقابل المدرسه..ودخلت للناظر ...استاذ عزت..... وحكتله اللي حصل....واذكر انها قالتله جمله....رائعه....قالتله...مش معنى ان التعليم في مصر بايز...ان المتفوقين يبقو غشاشين...بس للاسف انتو مش متعودين على تلاميذ زي احمد....
قالها استاذ عزت...حضرتك..ولا تضايقي نفسك... وقالي تعالى يا احمد....ونده للمدرسة ابله ليلى....وسالها ...عن اللي حصل...قالتله...ان الولد غاشش من الكتاب والدليل انه بيرسم حتى التشكيل...لانه مش فاهم حاجه....
قالها وايه اللي خلاكي متأكده انه غشاش.... وندهلي...واداني ورقه وقلم...وكان القلم الخاص بتاعه.... وبدأ يمليني نفس الاملاء تاني قدام امي والابله...وكتبتها كلها بنفس الطريقه.....ولما خلصت...بص على الورقه..وبصلي...وابتسملي.... وقال لامي...انا بالنيابه عن التعليم في مصر ...بعتذرلك...عن الاتهام اللي اتهمته ابله ليلى لابنك...واحنا فخورين بوجود احمد في مدرستنا.... ولقيت ابله ليلى....بكت...وخدتني في حضنها.... وقالتلي حقك على يا احمد...بس بجد انت مفيش زيك لدرجة اني كنت متاكده انك غاشش....انا اسفه يا حمد...وقالت لمام انا اسفه يا مدام..... وراحت امي قطعت الورقه اللي مكتوب فيها غشاش...وقالت للاستاذ عزت..انا مقبلش ان كشكول ابنييكون في ورقه زي دي.... والاستاذ عزت...قالها ده حقك...واحنا بنعتذرلك كمان مره...وبصلي وقالي يا احمد...انت هنا في المدرسه مكتبي مفتوحلك في اي وقت...
ومن يومها وانا اهم تلميذ في المدرسة..لدرجه اني سبت المدرسه قبل سنة سادسه ما تبدأ وسافرنا تاني للعراق..وساعتها استاذ عزت كان حزين..وقال لامي انا حزين..لان احمد كان املنا في انه يكون احد الاوائل على الجمهورية من مدرستنا....يا خساره .....
الله يمسيهم بالخير جميعا.....
مازلت اذكرك يا استاذ عزت...ولن انساك...وسأحكي لابني وحفيدي عنك
الجمعة، 20 أغسطس 2010
الخميس، 19 أغسطس 2010
Mathematics Resources
MathMovesU.com: Explore, have fun, and pick up cool math skills!
Culturally-Situated Design Tools
Welcome to A Maths Dictionary for Kids 2008 by Jenny Eather
Mathwords
InterMath / Dictionary / Welcome
Cool math .com - Online Math Dictionary for K-Algebra- formulas, definitions, diagrams and examples
On-line Mathematics Dictionary
Illustrated Mathematics Dictionary
MyMiniCity
FREE -- Teaching Resources and Lesson Plans from the Federal Government
LEGO Education : Home
Free Online MIT Course Materials for High School | MIT OpenCourseWare
The Futures Channel Movies and Activities Deliver Hands-On, Real World Math and Science Lessons To
Graphita
Encyclopedia of Earth
Oswego City School District Math Games
Multiplication.com - Interactive Games
Asymptopia Software
Inspectd.com - Training Tools for Traders.
Math Cats - fun math for kids
GeoGebra
Decimal Squares
Super Maths World
Rader's NUMBERNUT.COM
A Maths Dictionary for Kids 2008 by Jenny Eather
The Wolfram Demonstrations Project
Mathway: Step-by-Step Math Problem Solver
Play flashCHESS3 online - The Online Flash Chess Player
algebasics™ Algebra Tutorials
Multiplication.com - Interactive Games
Using PowerPoint in the Classroom - Activities and Games
Math247 / Learn and Use GeoGebra
الاشتراك في:
الرسائل (Atom)
