لاحظ وانا باصص من الشباك و باصور حسيت اني شايف سيد في الشباككدهه . مسحوب كما الروح من جسد ميتان
ميحس غيره بسحبها منه.شفت العجب
ما يحس غير ميتان !!
ساحبينها زي ميسحبوا دسم اللبن.
طعم الهنا من بسمه ورديه من شفة الفرحان
ريحة العبير من زهره فواحه.
شدوه لاهو ارتاح ولا سابها مرتاحه
حاجه كده زي انعدام الوزن بين اتنين.
لكن صحيح .ازاي بقم اتنين
يمكن شطاره قالوا لو ننفك
طب ما الزمان ياما علينا اتك
ياما كتير احضان جرينا عليها
لقيناها باب زنازين علينا اتسك
ما قدرش يعمل مننا حاجتين.
ما قدرش يعمل لينا غير طريقين
و احنا عملنا المفترق ملتقى.
شايف ضحكنا ازاي عليهم بقى
ما احناش تلاته انما متلتين
زي التلات اقانيم.
تقدر تقولي انهي فيهم صعب.
انت اللي عارف احنا ايه يا رب.
ما استغنيناش عن اهلنا لكن.
ما اعرفش ليه جوانا شيء بيقول
احنا العيال و الام واحنا الاب
واحنا الاخوه لما تبقى بجد.
لما الزمان يشتد ما بتتهد
لما الطريق يطول بينا و يمتد او يتسد
القاني فيك.منك وليك بتشد
خالد في قلبي وانت سيد ليه.
و أنا سيدي حبي اللي خالد فيه
سافر وخد بالك على اللي معاك.
هتلاقي صورة قلبي على الشباك
أول متنزل ارض هذا المطار.
ماتدوسش جامد قلبي مفروش لك
حقق في كل الوشوش.
يمكن هتلمح ضحكتي شايفاك
ايو الله فعلا ضحكتي شايفاك.
يا ضحكتي........... يا دنيتي
كان نفسي اكون وياك ............... هات شنطتك
املاها بالاحلام.
وافتح لي باب سري و خبي فيه ...
استودعك يا رب هذا الحبيب.
استودعك علمه وحلمه و صحته و هناه
و استودعك روحي اللي خدها معاه.
واستودعك عيني ليوم ما القاه
واستاذنك يا رب وارجع له.
عشان ليا كلام وياه
كان نفسي اقولك صورتي اهه.
خدها . متقولش عني اناني
انا سبتهالي خايف اني انساني
روحي معاك.
خليلي صورتي افتكر شكلي
اوعى أما ترجع تنشغل عني تسيبني هناك
سافر و تفضل انت اكبر صح في دنيا غلاطه
سافر يا سيف لا زيف ولا كلمه مطاطه
سافر وترجعلي بالف سلام
سافر دي مش دمعه اللي في عنيا
دي حبر لجل القلم ويقولوا عنه كلام
ماهواشي واللي بينا كلام
سافر عشان خاطري على مهلك وتيجي قوام
و بص وراك وتاني تلتفت قدام
يا خالد الذكر في قلبي. وانا سيد.
بقيت يوم الوداع درويش
سافر عليك السلام.
0 comments:
Post a Comment